Shoqata e Juristëve NORMA mori pjesë në Samiti Ndërkombëtar i Gruas “Partneriteti për Paqe – Fuqizimi i Gr

Nga   4 deri më 6 tetor 2012 në Prishtinë i mbajti punimet  Samiti  Ndërkombëtar i Gruas “Partneriteti për Paqe – Fuqizimi i Gruas” organizatore dhe nikoqire e së cilës ishte kryetarja e  Republikës së Kosovës shkëlqësia e saj, znj. Atifete Jahjaga. Ky eveniment mblodhi  një sërë pjesëmarrësesh nga  mbarë bota, që i përkisnin një niveli të lartë të përfaqësimit nga institucionet qeveritare, liderë politikë, liderë të shoqërisë civile dhe fushës së ekonomisë, të cilët me lidershipin dhe kurajon e tyre kanë ndikuar në trendet vendore dhe globale. Në mesin e këtyre pjesëmarrësve gjatë punimeve të këtij Samiti Shoqata e Juristëve NORMA u përfaqësua nga : Valbona Salihu-drejtoreshë ekzekutive e Shoqatës së Juristëve NORMA si dhe  zonjat Vjosa Nimani-Zylfiu dhe Drita Rexhepi-anëtare të Kuvendit të Sh.J. NORMA-s.

Gjatë  tri ditëve produktive të këtij samiti  u diskutuan disa nga  çështjet më sfiduese të periudhës sonë,  për të cilat gratë edhe një herë, bashkuan zërat, të vendosura që të vazhdojnë angazhimin  drejt fuqizimit të grave.

Përfaqësueset e Sh.J. NORMA-s dhanë inputet e veta dhe në vazhdën e avokimit për ndryshime, juristet e NORMA-s ngritën çështje kruciale për të tashmen dhe të ardhmen e gruas kosovare si : Prona e përbashkët e bashkëshortëve,  e drejta e gruas për të trashëguar, eliminimi i mundësisë për të hequr dorë nga trashëgimia, mekanizëm të cilin anëtarët meshkuj të familjes e përdorin për t’u bërë presion femrave për të hequr dorë nga trashëgimia.

Propozimet e Sh.J.NORMA-s u pritën me entuziazëm për ç’gjë Sh.J. NORMA u falënderua nga grate pjesëmarrëse, për gjithë kontributin dhe ekspertizën e  dhënë përgjatë këtyre 14 viteve të ekzistencës së kësaj shoqate.
 

Projektet

Projekti “Promovimi i barazisë dhe drejtësisë gjinore me gratë e komuniteteve Rom,Ashkali dhe Egjiptian në komunat e Fushë Kosovës, Obiliqit dhe Podujevës”

Shoqata e Juristëve NORMA nga 1 nëntori 2012 ka filluar me realizimin e Projektit “Promovimi i barazisë dhe drejtësisë gjinore, me gratë e komuniteteve Rom,Ashkali dhe Egjiptian në komunat e Fushë Kosovës, Obiliqit dhe Podujevës”, projekt i financuar nga UNDP.më shumë